Ludwig Schoke (†)

De Lüüd, de mi kennt, seggt „Lutten“ to mi.

Wo kummst Du her?

Ik bün in Hamborg-Bargstedt an’n 28.8.1938 op de Welt kamen. Dörch de Gebietsreform keem Bargstedt, wat vörher to Stormarn hören dee, to de Stadt Hamborg.

Woans is dat bi Di anfungen mit’n Schrieven? Un worüm op Platt?

In junge Johren heff ik mi schon jümmers för de plattdüütsche Spraak interessiert. Rudolf Kinau un ok dat Book „Jan Himp und die kleine Brise“ kreeg in in junge Johren schenkt. De Ohnsorgs, dor weer ik oft in’n Theater, hört ok noch dorto. Den Rest het use Dörpskneipe, de dat dormals noch in düt Dörp geev, bewirkt.
Mit de Schrieveree bün ik  2007 anfungen. Dat weer dat Plattgedicht för den Sing- un Swing-Chor Bewiek.

Wat hest Du anners in Dien Leven maakt? Wat hest Du noch so vör?

Von Beroop her bün ik Gornarchitet, abers nur as Autodidakt. Dat is abers ne annere, lange Geschicht.

Jüst heff ik mi in’n Kopp sett, dat ik mien Leven in een Book opschrieven wüll. Dorna schriev ik ok noch en Book över mien bedütsame Vörfohren, so as över den Admiral Nikolaus Schoke, de hett den Störtebeker bi Helgoland fungen.

Wo bliffst Du mit Dien Texten af?

Enige Texten vun mi sünd in de Landeszeitung Lümborg, in dat Magazin, druckt wurn.